Տարբեր երկրների սիրված բաղադրատոմսեր

Վիետնամական սառը սուրճ: Աշխարհում սառը սուրճի ամենահայտնի տեսակը կոչվում է cà phê sua đá. խտացրած կաթով ու սառույցով պինդ խմիչքը վիետնամյան փողոցների առևտրականների այցետոմսն է դարձել: Այն պարզ է, խլում է 10 րոպե, նախատեսված՝ 1 հոգու համար:

Բաղադրիչները.

• աղացած սուրճ. 1-3 թեյի գդալ,
• խտացրած կաթ. 2 ճաշի գդալ,
• սառույց:

Պատրաստումը:

• Այս խմիչքի օրիգինալ ձևը պատրաստելու համար պետք կլինի վիետնամական ֆիլտր՝ պարզ սարք` չժանգոտվող պողպատից, որը ամրացվում է բաժակին: Եթե չի հաջողվում այն գտնել, ապա աղացած սուրճի վրա եռման ջուր լցրեք ու թողեք 3-5 րոպե:
• Բաժակի տակ խտացրած սուրճ լցրեք, ապա շատ դանդաղ քամիչի միջով լցրեք սուրճը, վրայից՝ մի բուռ մանրացված սառույց
• Խառնեք բաղադրիչներն ու վայելեք:

EISKAFFEE կամ ԳԼՅԱՍԵ

Սուրճի պատրաստումը պարզ է, նախատեսված՝ 2 անձի համար

Բաղադրիչները.

• վանիլային պաղպաղակ կամ բրիկետ. 400 գրամ,
• պատրաստի դառը սուրճ. 400 մլ,
• հարած սերուցք,
• դառը շոկոլադ:

Պատրաստումը

• 2 բարձր բաժակների մեջ 200 պաղպաղակ լցրեք ու եփած-սառած սուրճ ավելացրեք: Որքան պաղպաղակը շատ լինի, այնքան ավելի համեղ կստացվի խմիչքը: Պաղպաղակն կհալչի ու կխռնվի սուրճին:
• Գլյասեն զարդարեք հարած սերուցքով, իսկ վրայից մի փոքր քերած մուգ շոկոլադ շաղ տվեք կամ կակաոյի փոշի: Այս սուրճն ավելի հարմար է խմել ձողիկով՝ ժամանակ առ ժամանակ խառնելով բաղադրիչները:

Ճապոնական սառը սուրճ

Ծագող արևի երկրում հնուց սուրճը պատրաստել են սառույցով: Այս կերպ հեռացվում է խմիչքի թթվայնությունը և ուժեղանում համը: Խմիչքի պատրաստումը խլում է 15 րոպե, նախատեսված է 1 հոգու համար:

Բաղադրիչներ.

• սառույց. 200 մլ,
• ջուր. 200 մլ,
• սուրճ. 2,5 ճաշի գդալ:

Պատրաստումը

• Բաժակի կեսը սառույց լցրեք: Սուրճը լցրեք ձագարով այնպես, որ դրա կաթիլները լցվեն ուղիղ սառույցի վրա:
• Մի փոքր ջուր լցրեք և տեսեք՝ ինչպես է սուրճը դանդաղ սահում ներքև:
• Դրանից հետո սուրճին կարելի է շաքարավազ կամ կաթ ավելացնել՝ ըստ ճաշակի: Միայն հիշեք, որ սառը ջրի մեջ սուրճը չի լուծվում, ուստի այն կաթով տաքացրեք, ապա միայն ավելացրեք սուրճին: Յուրաքանչյուր հավելում ընդունելի է՝ դարչինից մինչև հարած սերուցք:

Թայլանդական սառը սուրճ

Բուավետ, համեմված, տտիպ... Թայլանդում սուրճը համեմունքներով է պատրաստվում՝ հիլ, եգիպտացորեն, սոյայի հատիկներ, քունջութ: Խլում է 15 րոպե, նախատեսված՝ 1 հոգու համար:

Բաղադրիչները.

• աղացած սուրճ. 2 թեյի գդալ,
• համեմ. 1/4 ճաշի գդալ,
• պատիճով հիլ՝ 4-5 հատ,
• շաքարավազ,
• հարած սերուցք,
• սառույց:

Պատրաստումը
Աղացած սուրճը խառնել համեմի և հիլի հետ ու եփել սրճեփով:
Ըստ ճաշակի ավելացնել շաքարավա:
Սուրճը սառեցրեք, լցրեք բաժակի մեջ, մի քանի կտոր սառույց ավելացրեք և զարդարեք հարած սերուցքով:

Հունական Ֆրապպե

Ով է ասել, թե առավոտյան սուրճը մրգային կոկտեյլի տեսք չի կարող ունենալ: Վայելենք կյանքը ըստ հունականի: Բաղադրատոմսը նախատեսված է 1 հոգու համար:

Բաղադրիչները.

• Թարմ եփված սուրճ. 200 մլ,
• մանրացված սառույց. 1 ճաշի գդալ,
• կաթ. 70 մլ,
• բալի սիրոպ. 1 թեյի գդալ:

Պատրաստումը

• Սուրճ եփեք"
• Բոլոր բաղադրիչները լցրեք բլենդերի մեջ և հարեք:
• Ստացվածը լցրեք թափանցիկ բաժակի մեջ. ցանկության դեպքում խմիչքը կարող եք զարդարել մրգերով, օրինակ՝ նարինջով:

Հարցեր, պատասխաններ, մեկնաբանություններ